’n Beskuldigde se gespoggery dra tot sy byna sewee jaar tronkstraf by.

Die Welkom Landdroshof het ’n 38-jarige pasiënt aan die aanranding en vernedering van ’n gesondheidswerker skuldig bevind.

Volgens ’n mediaverklaring deur die Vrystaatse gesondheidsdepartement het die voorval in Julie 2024 gebeur.

Volgens die hof se uitspraak Donderdag is die beskuldigde tot 18 maande tronkstraf gevonnis en moes hy ook die oorblywende vyf jaar van sy vorige 15-jarige vonnis vir verkragting uit dien.

Hy was op parool toe hy die gesondheidswerker aangerand het en sal dus in totaal ses jaar en agt maande tronkstraf uitdien.

Na die aanval het hy op sosiale media gespog oor sy aksies, wat sy gebrek aan berou en die beplande aard van sy dade uitgewys het.