Die Universiteit van die Vrystaat (UV) in Bloemfontein het die Khoebo Innovasie Bevorderingsprogram in die hoofkampusbiblioteek bekendgestel.

Die Direkteur van Navorsingskontrakte en Innovasie, Tebogo Machethe, sê die program bied UV-navorsers toegang tot finansieringsgeleenthede en stel hulle in staat om met moontlike befondsers te skakel om te verstaan wat befondsers in ’n projek soek.

Volgens Machethe is die doel van die program om plaaslike entrepreneurs en klein tot medium ondernemings te help met befondsing vir kommersialisering, met besondere klem op township- en landelike entrepreneurs.

Die UV berig dat die program daarop gemik is om die ongelyke verspreiding van ekonomiese ontwikkeling regoor die land aan te spreek.