Daar word berig dat in Clairwood,‘n Durbanse hospitaal, ‘n 41-jarige vrou haarself Donderdagoggend vroeg aan die brand gesteek het.

IOL berig dat dit veroorsaak het dat die vuur na die res van die hospitaal versprei het.

Die voorval het in ‘n isolasie-afdeling van die hospitaal se Interne Geneeskunde-eenheid plaasgevind, waar die pasiënt die brand veroorsaak het.

Ten minste 23 pasiënte is veilig uit ‘n aangrensende saal ontruim, wat ook daarna aan die brand geslaan het.

Pasiënte is na ander sale in die hospitaal verskuif, terwyl die eThekwini Brandweer die vuur onder beheer gebring het.

Die departement het bevestig dat die vrou op die toneel gesterf het en dat daar geen verdere beserings was nie.