Die beskuldigde kabeldief, Neo Ramatheko, is suksesvol vir infrastruktuurdiefstal by die Trompsburg-kragstasie vervolg.

Volgens ’n polisieverklaring het hy in Augustus 2024 veseloptiese kabel en twee verbindings van Transnet gesteel.

Ramatheko het ook onwettig in Suid-Afrika gewoon.

Hy het Vrydag in die Trompsburg-streekhof verskyn en skuld beken op aanklagte van infrastruktuurdiefstal en onwettige verblyf.

Die hof het hom tot agt jaar tronkstraf vir diefstal gevonnis, en ’n boete van R6 000 of drie maande gevangenisstraf vir onwettige verblyf opgelê.

Die boetevonnis loop gelyktydig met die tronkstraf.

Die Vrystaatse polisie prys aanklaer Leon Ehlers en alle betrokkenes vir hul werk.