‘n Kat is gered nadat dit vasgeval het in die enjinkamer van ‘n voertuig by Amberfield Crest in Centurion.

Verteenwoordiger van die Suid-Afrikaanse Wildrehabilitasiesentrum, Hermien Grobler het die situasie beoordeel en aanvanklik probeer om die kat uit die beperkte ruimte te bevry.

Pretoria Rekord berig na verskeie mislukte pogings is die voertuig se enjin uitmekaar gehaal.

Die kat het waarskynlik van vuurwerke geskrik.

Ná sy twee-ure bevrydingspoging is die kat na ‘n veearts geneem, waar bevestig is dat dit geen beserings opgedoen het nie.

Grobler beveel aan dat troeteldiere binnenshuis gehou word tydens harde geraas, en voeg by dat kalmeermiddels nuttig is om angstigheid te verlig.