ʼn Nasionale verbod word geplaas op die sametrekking van spleethoewige diere as gevolg van bek-en-klouseer

 ʼn Nasionale verbod word geplaas op die sametrekking van spleethoewige diere as gevolg van bek-en-klouseer

Die Minister van Landbou, Grondhervorming en Landelike Ontwikkeling, Thoko Didiza, het ʼn nasionale verbod op die versameling van spleethoewige diere in die Staatskoerant afgekondig.

Dit sluit in die veilings, skoue en soortgelyke bedrywighede vir lewende hawe.

Dit volg ná die uitbraak van bek-en-klouseer in Limpopo.

Die woordvoerder van die ministerie, Reggie Ngcobo, sê hulle doen ʼn beroep op enigiemand om die verskuiwing van spleethoewige diere wat nie aan die regulasies voldoen nie, by hul staatsveearts aan te meld.