Centlec het laat weet die kragtoevoer na sekere woongebiede in die noorde van Bloem kan vandag in die slag bly. In ‘n kort boodskap wat op kletsplatforms sirkuleer, word slegs gesê dat daar vanaf kwart voor tien vanoggend ‘n nood-kragonderbreking sal wees.

Volgens Centlec is dit nie moontlik om te sê hoe lank dit sal duur nie, en ‘n rede vir die nood-onderbreking word nie verstrek nie. Die volgende gebiede kan kragonderbrekings ondervind: Brandwag, Heuwelsig, Dan Pienaar, Groenvlei, Lillyvale, asook ‘n gedeelte van Langenhovenpark.