‘n Staatsregkenner Pierre de Vos sê ingevolge die wetgewing is munisipaliteite die primêre verspreiders van elektrisiteit.  Hy sê dit is egter nie eksklusief nie.  Die opmerkings is gemaak nadat die voormalige uitvoerende hoof van Eskom, André de Ruyter, gesê het dat die grootste deel van die land se deurlopende kragonderbrekings buite die kragvoorsiener se beheer is.  De Vos sê die gebrek aan die onvoldoende belegging in nuwe opwekking het Eskom se vermoë om voldoende  elektrisiteitsvoorsiening te verseker, belemmer.