Die Bloemfontein Landdroshof het ‘n 38-jarige man tot 15-jaar tronkstraf vir verkragting gevonnis.

Volgens ’n polisieverklaring het Nkosinathi Mangaliso ‘n 30-jarige vrou op 16 Junie 2023 verkrag.

Die slagoffer het vir Mangaliso, as opsigter, gevra om haar te help om in haar woonstel te kom nadat sy haar sleutels verloor het.

Hy het haar dronkenskap uitgebuit en haar seksueel aangerand. 

Mangaliso is op 17 Junie 2023 in hegtenis geneem en was tot nou op borgtog vrygelaat