Owerhede het na ’n verdagte gesoek wat in Februarie 2023 uit aanhouding ontsnap het, en hom weer in hegtenis geneem toe hy glo besig was om ’n ander misdaad te pleeg.

The Citizen berig Sello Pinkoane was aanvanklik in Kroonstad, Vrystaat, in hegtenis geneem vir ’n bedrog- en diefstalsaak wat deur die Sandton-polisie in Gauteng geregistreer was.

Hy het toe op 15 Februarie 2023 uit aanhouding ontsnap.

Die Kroonstad-landdroshof het later ’n lasbrief vir sy inhegtenisname uitgereik.

Op 24 Januarie vanjaar het inligting die polisie na ’n plaas naby Steynsrus geneem waar Pinkoane, saam met twee ander mans, besig was om koperdraad en aluminium te steel.

Hulle is vir diefstal en die beskadiging van infrastruktuur in hegtenis geneem.