Hierdie feesseisoen het meer van ’n Pretoriase vrou geëis as wat sy ooit verwag het.

News24 berig Jacoline Robberts se man van 11 jaar, Luan Robberts, is verlede week noodlottig gewond gedurende ’n huisroof.

Terwyl familie en noue vriende haar ondersteun het gedurende sy verassing, het André van Rooyen, Luan se werksvriend, en sy verloofde, Zinea Bergh, op pad terug Polokwane toe in ’n motorongeluk gesterf.

Die Robberts-egpaar was huisvriende met Van Rooyen en Bergh in Rustenburg voordat hulle na Pretoria verhuis het. Polisiewoordvoerder, kapt. Johan van Dyk, het bevestig dat hulle ’n persoon van belang in verband met die rooftog in hegtenis geneem het.