Parlementslede, of LP’s, gaan vandag weer oor die Nasionale Gesondheidsversekerings-wetsontwerp, of NGV, debatteer. Die LP’s het verlede week oor die aanvaarding van die wetsontwerp gedebatteer. Die debat is opgeskort nadat die Voorsitter van die Nasionale Raad van Provinsies, Amos Masondo, om uitstel gevra het. Masondo wou ‘n brief oorweeg wat hom vra om die wetsontwerp te hersien. Die wetsontwerp het sterk teenkanting van die private sektor en sommige opposisiepartye ondervind. Daar word verwag dat LP’s van die regerende ANC hul meerderheid sal gebruik om die wetsontwerp te aanvaar. Solidariteit het intussen ‘n nuwe aanmaningskrywe aan die rolspelers in die totstandkoming van die NGV gestuur en aanbeveel dat die planne daarvoor gestaak word. Dirk Hermann, bestuurshoof van Solidariteit het gesê die nodige word intussen gedoen om vir die onvermydelike hofstryd voor te berei.