Die Demokratiese Alliansie (DA) in die Vrystaat betoog Maandag 25 November 2024 teen Eskom se voorgestelde elektrisiteitstariefverhoging van 40%.

Central News berig dit vind plaas by die National Energy Regulator of South Africa (NERSA) se openbare verhoor by die Bon Hotel in Bloemfontein. Die DA se Werner Horn doen ’n beroep op NERSA om die verhoging te verwerp.

Hierdie aksie vorm deel van ’n nasionale veldtog waarin die DA verskeie openbare betogings, parlementêre debatte en ’n petisie met 200 000 handtekeninge geloods het.

Die fokus val op die noodsaaklikheid van bekostigbare elektrisiteit en verantwoordelike bestuur deur Eskom.

Suid-Afrikaners word aangemoedig om by hierdie verhore betrokke te raak en hul stemme te laat hoor.