NETBAL  – Die Wes-Kaap Tornados sal hul visier op die Telkom Nebal Liga titel gefokus hê wanneer diè seisoen eerskomende Donderdag in aanvang neem.

Sedert diè toernooi in 2014 afgeskop het, het die Kapenaars al reeds 3 keer op die podium verskyn maar kon nog nie die gesogte goue medalje verower nie en waar promosie na die Premier Divisie diè span ook nog steeds bly ontwyk.

Die Tornados het in vorige kragmetings swaar teen die Oos-Kaap Aloes getrek wat hulself ook nou in die top divisie bevind. Die Wes-Kapenaars sal dus nou gefokus wees om hul aanslag in hierdie toernooi te loods maar sal ook op die uitkyk moet wees vir die Mpumalanga Sunbirds wat verlede jaar baie goed in diè reeks  vertoon het.

Die Telkom Netbal Liga se krag week vind plaas in die Ngoako Ramahlodi Sport Kompleks in Seshego, Polokwane en duur tot 1 Mei.