Twee mense is oorlede nadat twee klein vliegtuie in die lug by ‘n lughawe in Arizona, Amerika, gebots het.

Volgens die Nasionale Vervoerveiligheidsraad se voorlopige inligting, het een van die vliegtuie sonder probleme geland terwyl die ander een die grond naby ‘n aanloopbaan getref en aan die brand geslaan het.

CNN berig die voorval volg op ‘n onlangse reeks lugvaartvoorvalle wat begin het met die lugbotsing in Januarie vanjaar by die Ronald Reagan Washington Nasionale Lughawe, waar 67 mense hulle lewe verloor het toe ‘n militêre helikopter en ‘n streekstraler van American Airlines gebots het.

Sedertdien het vier ander lugvaartvoorvalle in Amerika die aandag op lugveiligheid gevestig, insluitend die ongeluk van ‘n medevac-vliegtuig in Philadelphia; ‘n vliegtuig wat naby Nome, Alaska neergestort het waar 10 mense dood is; ‘n private vliegtuig wat van die aanloopbaan in Scottsdale, Arizona gehardloop het en die vlieënier aan boord se lewe geëis het; en meer onlangs ‘n Delta Air Lines-streekstraler wat met aankoms in Toronto op die aanloopbaan gerol het.