‘n Man het in die Kgomotso-periodieke hof in Noordwes verskyn op aanklagte van moord ná die dood van sy pa, ma en suster.

Nuusflits berig die beskuldigde, Olebogeng Mampe Kale, het besluit om nie borgtog aan te vra nie.

Volgens beskuldigings het die gesin by ‘n koffietafel gesit toe Kale glo sy pa met ‘n knopkierie oor die kop geslaan het.

Daarna het hy na bewering ook sy ma en suster met dieselfde knopkierie aangerand.

Al drie is op die toneel dood verklaar.

Die woordvoerder van die Nasionale Vervolgingsgesag, Sivenathi Gunya, het bevestig die saak is vir verdere ondersoek tot 23 Desember uitgestel.

Kale bly in aanhouding en staan op drie klagte van moord tereg.