Landbouminister John Steenhuisen het die uitbreiding van die siektebestuursgebiedgrense in KwaZulu-Natal aangekondig om die aanhoudende verspreiding van bek- en klouseer aan te spreek.

Central News berig bek- en klouseer is ‘n hoogs aansteeklike virusinfeksie wat diere met gesplete hoewe affekteer.

Rosestad-nuus het vroeër berig die Vrystaatse departement van Landbou het ’n beroep op kalmte gedoen na die opsporing van moontlike bek- en klouseer-gevalle.

LEES MEER: Bek- en klouseer in dipdam in KwaZulu-Natal opgespoor

Die uitbreiding volg na die opsporing van nuwe gevalle in die Newcastle-area, wat dui op die uitbreek van die siekte buite die oorspronklike beperkingsgebiede.

Die maatreël is bedoel om die beweging van hoefdiere soos beeste, skape, bokke en hul produkte te beperk om Suid-Afrika se belangrike veebedryf te beskerm.