Die Organisasie teen Belastingmisbruik, Outa, het ‘n beroep vir die belasting van die taxi-industrie sowel as die informele sektor gedoen.

Dit, soos die begrotingsrede nader kom en lede van die regering van nasionale eenheid steeds nie kan saamstem oor waar om die tekort van R58 miljard te vind nie.

Outa het egter, volgens SABC News, verskeie gebiede geïdentifiseer wat aansienlik meer inkomste as die voorgestelde BTW-verhoging kan genereer.

Die organisasie se uitvoerende hoof, Wayne Duvenhage, sê die belastingbasis moet vergroot word.

Volgens Duvenhage het Suid-Afrika baie informele bedrywe asook die taxibedryf wat nie binne die belastingbasis val nie.

Hy voeg by daar is geen rede waarom ‘n bedryf soos die taxibedryf nie belas moet word nie.