Padspyker-aanvalle het vroeg die jaar begin toegeneem. BusinessTech berig spykers was aanvanklik op paaie versteek, en misdadigers het in nabygeleë bosse gewag vir voertuie om oor hulle te ry en te stop.

Namate bestuurders egter geleer het om nie stil te hou nie, het oortreders nou hul taktiek begin aanpas. Die misdadigers plaas klere of voorwerpe oor die spykers om bestuurders te mislei om te glo dat ‘n persoon in die pad lê.

Die situasie het ook toenemend gewelddadig geword, met berigte van slagoffers wat aangerand, verkrag, of selfs gedwing  word om kontant by kitsbanke te trek. Die Automobile Association raai motoriste aan om nie snags te reis nie, waaksaam te bly in hoërisikogebiede en om nie dadelik te stop as hulle oor van die spykers gery het nie.