Dit is reeds eeue heen bekend dat parfuum en romanse hand aan hand gaan. Cleopatra het glo parfuum om haar mond gesmeer voordat sy ‘n geliefde totsiens gesoen het. Sy het selfs haar skip se seile met parfuum bespat.

Volgens IOL het die gewoonte om parfuum vir iemand spesiaal op Valentynsdag te koop, weer begin posvat. Lekker reuke soos parfuum gaan direk na die limbiese stelsel in die brein wat vir emosies en aangename herinneringe verantwoordelik is.

‘n Winkelgroep sê parfuum-verkope het verlede jaar tydens Valentysdag met 38% gestyg.