Die skilderagtige klein Oos-Kaapse dorpie, Hogsback, se polisiekantoor is Woensdagnag deur rowers aangeval waartydens polisiebeamptes se uniforms van hul lywe afgesteel is. Die voorval het kort voor middernag gebeur toe drie gewapende mans die polisiekantoor die voordeur oopgeskop het, berig Netwerk 24. Die twee beamptes is glo gedwing om hul uniforms uit te trek, waarna hulle met toue vasgebind is. Die rowers het ook ‘n 9mm-pistool uit die kluis geroof en een skoot afgevuur. Die rowers is weg met ‘n polisievoertuig, ‘n paar skoene, ‘n koeelvaste baadjie en ‘n selfoon. Die voertuig is later naby die polisiekantoor gevind. Die woordvoerder van die Valke, kapt Yolisa Mgolodela, het gesê die selfoon is teruggekry. Die Valke ondersoek ‘n saak van gewapende roof.