Drie verdagtes, insluitend ’n dienende polisiesersant, is in Bethlehem in hegtenis geneem weens beweerde bedrog van meer as R124 000.

Die Suid-Afrikaanse Polisiediens het die verdagtes inhegtenis geneem tydens ’n operasie onder Projek Fanta Orange, wat korrupsie in die Thabo Mofutsanyana-distrik van die Vrystaat teiken.

Volgens ’n polisieverklaring het die sersant, wat by Bohlokong-speurders werk, glo meubels met ’n staatsvoertuig help vervoer en dit na sy huis laat aflewer.

By sy woning is bewysstukke, polisiedokumente en wangslymvliesmonsters gevind.

Provinsiale kommissaris Baile Motswenyane het die span geloof en die beweerde korrupsie skerp veroordeel.

Die sersant sal saam met die ander twee verdagtes in die Bethlehem-landdroshof verskyn.

’n Saak van regsverydeling is geopen en verdere ondersoeke duur voort.