President Cyril Ramaphosa sal na verwagting binnekort sy kabinet skommel. Ontleders meen die president gaan ‘n paar beduidende veranderinge aanbring.

Een groot verwagte verandering is die verdeling van die Departement van Minerale Bronne en Energie, wat sal meebring dat Energie, saam met Eskom, weer sy eie
portefeulje sal hê.

Ontleders verwag dat die huidige minister van minerale bronne en energie, Gwede Mantashe, dalk met so ‘n aanpassing opsy geskuif sal word.