Wanneer Suid-Afrikaners terugkyk op die uitdagings wat 2023 opgelewer het, moet daar luidens president Cyril Ramaphosa se Nuwejaarsboodskap, met hoop na die toekoms gekyk word.

Die president meen daar is áltyd hoop, selfs ten spyte van vele uitdagings.

Volgens hom is daar beslis ook rede tot optimisme. Hy bestempel 2023 as ‘n “moeilike jaar” en het werkloosheid, armoede, misdaad, geslagsgebaseerde geweld, stygende voedselpryse en ‘n ernstige elektrisiteitskrisis as brandpunte uitgesonder.