President Cyril Ramaphosa het Transnet beveel om die krisis met die land se logistieke stelsels soos blits weer op die regte spoor te kry.

Die president het gister met lede van die Transnet-direksie en die uitvoerende bestuurspan vergader.

Die vergadering het gehandel oor die uitdagings wat die land se logistieke stelsels in die gesig staar, asook die dalende prestasie van die vragspoornetwerk.

Ramaphosa het gesê Transnet moet die krisis vinnig oplos en moet verseker dat die bedryf van spoorweë en hawens bydra tot die groei van die ekonomie.