President Cyril Ramaphosa het gevra vir ‘n gesamentlike sitting van die Nasionale Vergadering en die Nasionale Raad van Provinsies vir die opening van die Parlement op 18 Julie. Ramaphosa beplan om die prioriteite van die sewende administrasie uiteen te sit.

Die geleentheid val saam met Internasionale Nelson Mandela Dag, ter ere van die nalatenskap van oudpresident Nelson Mandela. Die presidensie se woordvoerder, Vincent Mangwenya, sê die dag sal ‘n wêreldwye viering wees en ‘n oproep om na te dink oor Mandela se waardes.