President Cyril Ramaphosa sê hy het volle vertroue in die Konstitusionele Hof om ‘n omvattende, finale uitspraak te lewer oor die Phala Phala-aangeleentheid.
Opposisiepartye het gister in die Nasionale Vergadering weer probeer om die president oor die aangeleentheid te ondervrae.
Sommige partye is woedend oor ‘n besluit van die Nasionale Vervolgingsgesag om hom nie te vervolg vir die besit van buitelandse valuta op sy plaas in Limpopo nie.
Die Konstitusionele Hof sal volgende maand die EFF se saak aanhoor.
Hulle beweer dat die Nasionale Vergadering verkeerd was om ‘n artikel 89-onafhanklike paneelverslag van die hand te wys wat voorgestel het dat die president ‘n vervolgingsondersoek in die gesig moes staar.