President Cyril Ramaphosa sê die wysigingswet op gelyke indiensneming voorkom onbillike diskriminasie.

Die gewysigde wet, wat rasse- en geslagsgebaseerde teikens vir verskeie sektore ingestel het, sal na verwagting in September in werking tree.

Ramaphosa het in sy weeklikse nuusbrief gesê die arbeidswetgewing is deel van die regering se pogings om ongelykhede in die verlede reg te stel, en het maatskappye aangemoedig om meer inklusief te wees en diversiteit te bevorder.

Intussen het die Sakeliga en die Nasionale Werkgewersvereniging van Suid-Afrika by ‘n hofuitdaging, wat deur die DA geloods is, teen die nuwe wysigingswet op gelyke indiensneming aangesluit

Die Sakeliga en die Nasionale Werkgewersvereniging voer aan dat die nuwe wet ongrondwetlik, onmoontlik en skadelik is, aangesien dit luidens hulle daarop gemik is om wit werknemers uit die arbeidsmark te stoot.