Die Suid-Afrikaanse rand kry tydelike verligting nadat die Amerikaanse president Donald Trump ‘n 90-dae pouse op verhoogde tariewe aangekondig het.

BusinessTech berig dit geld nou vir alle lande, behalwe China.

Die besluit bring intussen verligting vir Suid-Afrika, wat met ‘n 30%-tarief op sy uitvoere na die VSA gedreig is.

Die rand het Woensdag herstel nadat dit ’n rekordlaagtepunt van R19.93 teenoor die dollar bereik het, en het ná Trump se aankondiging weer versterk.

Tariewe sal tydelik teruggestel word na ‘n standaardkoers van 10% nadat meer as 75 lande die VSA genader het vir onderhandelinge.

Die VSA het egter sy tariewe op China verhoog tot 125%, wat gelei het tot ’n verdere teenreaksie van China.

Hierdie toename in spanning het wêreldmarkte ontwrig en ontleders waarsku teen ‘n moontlike resessie.