Vordering word gemaak met die ondersoek, asook met die vervolging van verdagtes wat by die gewelddadige KZN-betogings van Julie 2021 betrek kan word. Meer as 300 mense is tydens die gewelddadige betogings in KwaZulu-Natal dood. Die Valke het verlede jaar 66 vermeende aanstigters tot geweld in hegtenis geneem.

Die verdagtes staan onder meer ​​tereg op klagte van terrorisme. Ander aanklagte teen sekere van die beskuldigdes sluit ook sameswering om moord te pleeg, en openbare geweld in. Brett Herron, sekretaris-generaal van die Good-party, sê dit blyk egter dat talle ringkoppe nog nie vasgetrek is nie. Volgens Herron maak die stelsel dit moeilik vir fluitjieblasers om veilig te voel wanneerhulle inligting deel.