Die Cheetahs afrigter, Izak van der Westhuizen, het agt veranderinge aan die begin 15-tal aangebring wat die Griffons verlede week naelskraap in Welkom geklop het.

Dan Kasende is terug op vleuel en sal die Springbok-vleuel, Canan Moodie, met ’n arendsoog moet dophou terwyl Munier Hartzenberg die verdediging in die middelveld sal opskerp.

Voorlangs is Friedle Olivier, Aidon Davis en Jeandrè Rudolph die nuwe lostrio-kombinasie wat besit by die afbreekpunte moet verseker.

* Diè wedstryd skop Vrydag om 17:00 af en word regstreeks op SuperSport Kanaal 211 uitgesaai.