RUGBY – Die Cheetahs draf Saterdag met 2 veranderinge uit teen die Western Force in hul laaste wedstryd van die Toyota-Uitdaagreeks.
Jeandrè Rudolph en Evardi Boshoff was nie in laasweek se begin 15-tal wat met 30 – 27 in Mandurah vasgeval het nie. Rudolph speel in die nommer 8 trui terwyl Friedle Olivier langs die kant van die skrum sak in die plek van Siba Qoma.
Boshoff wat sy skouer in die 1ste wedstryd van die reeks beseer het neem oor by Robert Ebersohn wat na die plaasvervangersbank toe oorskuif.
Na die Toyota Uitdaagreeks sal die Cheetahs ook in 2 oefenwedstryde speel teen onderskeidelik die Griffons en Leeus ter voorbereiding van die Europese Uitdaagbeker-kompetisie wat in Desember begin.
