Die Argentynse flank Pablo Matera gaan sy land se Toets teen Italië misloop na hy ‘n twee week skorsing ontvang het.

Dit kom na Matera ‘n rooi kaart ontvang het in Argentinië se laaste Rugby Kampioenskap wedstryd teen die Springbokke in Mbombela op 28 September.

Luidens ‘n verklaring van Sanzaar is Matera tot en met 10 November geskors.

Hy sal dus die toets op 9 November teen Italië misloop maar sal beskikbaar wees vir Los Pumas se kragmeting teen Ierland en Frankryk op 15 en 24 November.