Die departement van internasionale betrekkinge en samewerking, of Dirco, het gister weer gevra dat roetes om toegang tot Gaza te kry, oopgemaak word sodat burgerlikes kos, mediese voorraad en brandstof kan kry. Volgens Maroela Media het Dirco gesê die regering doen nou ook ‘n beroep op die Verenigde Nasies, om ‘n verdedigingsmag na Gaza te ontplooi om burgerlikes teen verdere bomaanvalle te beskerm. Alle lande wat die internasionale reg ondersteun, moet nou onmiddellik optree, het Dirco gesê. Dirco meen Israel, wat ‘n vergeldingsaanval teen Hamas voer, oortree die internasionale reg en behoort aanspreeklik gehou te word vir burgerlike sterftes in Gaza. INTUSSEN het Israel se eerste minister, Benjamin Netanyahu, gister aan sy oorlogskabinet gesê Israel maak stelselmatig vordering in sy militêre veldtog teen Hamas in Gaza.