’n Kleuter is gister gered, en met haar gesin herenig, nadat sy Saterdag by ‘n winkelsentrum in Welkom ontvoer is.

‘n Sangoma is in verband met die dogtertjie se ontvoering in hegtenis geneem.

Volgens Times Live het die polisie beeldmateriaal van die winkelsentrum bekom, waarin gesien kan word hoe die vermeende ontvoerder sy 21 maande oue slagoffer gryp, in ‘n voertuig stop, en van die toneel af wegry.

Die polisie se soektog het hulle na die verdagte se huis in Bronville gelei, waar die dogtertjie ongedeerd gevind is.