Werk aan die Weldam-pyplyn vorder goed, maar inwoners van onder meer Wepener, Dewetsdorp en Bloemfontein sal nog geduld aan die dag
moet lê.
Die gebarste pyp is reeds suksesvol vervang.
Die pyplyn is nou besig om vol te loop, ten einde eindbestemmings te bereik waar mense in sommige gedeeltes reeds dae lank sonder water moes sien kom klaar.
Die watertoevoer behoort na raming soos volg na normaal terug te keer:
In Wepener teen vanaand, in Dewetsdorp teen môreoggend, en teen môremiddag in Bloemfontein.
