Die Springbok-kaptein, Siya Kolisi, het die Time 100-lys vir die invloedrykste mense in 2024 gehaal. Maroela Media berig Kolisi word in die kategorie vir innoveerders genoem.

Volgens die Time tydskrif staan hulle maande af om te bespreek wie op die Time 100-lys hoort, die mense wat hulle glo ‘n storie verander en wat die rolspelers in die wêreld die afgelope jaar definieer. Die Wêreldbeker-kaptein is uiteindelik gekies vir die hoop wat hy by baie Suid-Afrikaners geskep het.