Twee vermeende kabeldiewe is in hegtenis geneem ná ‘n mislukte rooftog by ‘n substasie in Observatory, Johannesburg.

The Citizen berig tydens die nagaanval op die Bellevue-substasie het die vermeende diewe twee sekuriteitswagte vasgebind.

Nadat die wagte se kommunikasie gestaak het, het versterking vinnig opgedaag, wat gelei het tot ‘n skietgeveg waartydens twee verdagtes in hegtenis geneem is.

Die woordvoerder van City Power, Isaac Mangena, sê sewe gewapende mans het die kritieke infrastruktuur van 52 meter koperkabel probeer steel.

Vyf ander het gevlug met die kabel wat later by ‘n werf in Reuven gevind is.