Die Engelse Premierligaklub, Aston Villa, het die voortou geneem op die UEFA Kampioeneliga punteleer, ná hulle derde agtereenvolgende oorwinning in die toernooi.

Die Villains het op Villa Park teen Bologna te staan gekom, waar John McGinn en Jhon Duran hul span gehelp het tot ‘n 2-0 oorwinning.

Intussen het Stuttgart vir Juventus geskok in ‘n 1-0 wen, Arsenal het vir Shakhtar Donetsk met 1-0 verslaan en Real Madrid het vir Dortmund met 5-2 verslaan.

Liverpool en Manchester City sal vanaand op die veld te sien wees, met kragmetings teen RB Leipzig en Sprata Praha om negeuur.

Barcelona sal ook negeuur vanaand gasheer speel vir Bayern Munich.