Die Duitse sokkerklub, Borussia Dortmund, is een van die spanne wat gemaklike oorwinnings deurgetrek het in die tweede ronde van die UEFA Kampioeneliga-toernooi.

Dortmund het gasheer gespeel vir die Skotse klub, Celtic, en weggestap met ‘n 7-1 oorwinning.

Intussen het Barcelona vir Young Boys met 5-1 verslaan, terwyl Man City, Inter Milan en Brest almal 4-0 oorwinnings verdien het oor, onderskeidelik Slovan Bratislava, Crvena Zvezda en RB Salzburg.

Arsenal was ook aan die wenkant, waar hulle met 2-0 kon seëvier teen PSG.

Die tweede ronde hervat Woensdag om 21:00 met Liverpool en Bologna wat ontmoet op Anfield, Real Madrid gaan kuier by LOSC, en Aston Villa speel gasheer vir Bayern Munich.