Premier Sokkerliga kampioene, Mamelodi Sundowns, het die ondertekening van Stellenbosch FC se doelskieter, Iqraam Rayners, bevestig.

Rayners het vroeër vandeesmaand sy laaste wedstryd vir die Kaapse Wynlandspan in die MTN 8-halfeindstrydoorwinning oor TS Galaxy gespeel.

Die 28-jarige het vyf jaar by die klub deurgebring en 38 doele in 81 wedstryde aangeteken.

Die Pretoria-klub het 12 miljoen rand vir Rayners betaal.

Sundowns se afrigter, Manqoba Mnqithi, sê hy sien daarna uit om saam met Rayners te werk.