Lionel Messi was aan die stuur van sake toe Inter Miami ‘n dramatiese oorwinning van 2-1 oor Atlanta United behaal het en na die toppunt van die MLS Oostelike Konferensie geklim het om drie punte uit die ontmoeting te kon opraap.
Die veteraan Fafa Picault het die oorwinning in die 89ste minuut beklink met ‘n groot kopskoot van ‘n Jordi Alba-kruising wat Miami se uitspeelwedstryd teen Atlanta verlede seisoen gewreek het.
Atlanta het in die 11de minuut eerste deur Emmanuel Latte Lath toegeslaan maar Messi het sake kort daarna gelyk gemaak deur ‘n verdedigingsfout uit te buit voordat hy ’n skitterende doel verby Brad Guzan kon stuur.
Inter Miami beklee na vier wedstryde die tweede plek op die punteleer terwyl Vancouver nog onoorwonne is in die MLS.
