Meer dogtertjies is op Nuwejaarsdag 2025 gebore as seuntjies.

Volgens die Vrystaat se Departement van Gesondheid is ’n totaal van 85 babas in die provinsie se hospitale gebore.

Van hulle was 52 dogtertjies en 33 seuntjies.

Die eerste baba, ’n dogtertjie, is om 00:01 in Trompsburg gebore, en die laaste baba, ook ’n dogtertjie, is om 23:30 in Winburg gebore.

The Citizen berig dat Gauteng meer as 200 nuutgeboortes gehad het, maar die LUR vir Gesondheid in die Oos-Kaap, Ntandokazi Capa, het haar skok uitgespreek oor die jongste ma wat slegs 12 jaar oud is, terwyl die pa 17 jaar oud is.

Volgens News24 se statistieke is byna 1450 babas op Nuwejaarsdag gebore, waarvan byna 51% dogtertjies is.