Spanning het hoog geloop by die Sentrale Universiteit vir Tegnologie (SUT) se Bloemfontein-kampus toe betogende studente versperrings by die toegangshekke opgerig het.

Volgens FS online het Maandag se betogings voortdurende registrasieprobleme beklemtoon.

‘n Onlangse besoek deur adjunkminister, Mimmy Gondwe en haar afvaardiging aan die kampus, het onmiddellike aksie ontlok om NSFAS-bekommernisse aan te spreek.

Te midde van voortslepende studentebefondsingsprobleme, is ‘n hoëvlak-intervensie aan die gang by SUT,  waar ‘n span NSFAS-amptenare opgedaag het om voortslepende kwessies, veral dié wat met studentebehuising verband hou, aan te pak.

In ‘n welkome wending het SUT glo aansienlike vordering gemaak om registrasie-agterstande in te haal.