Die adjunkminister van Hoër Onderwys en Opleiding, Buti Manamela, is bekommerd oor versoeke dat die Nasionale Finansiële Hulpskema vir Studente (Nsfas) se verblyftoelaes direk aan studente betaal moet word.

Volgens Manamela kan dit deure oop maak vir oneerlikheid, wat agterstande in betalings aan private verskaffers kan veroorsaak, aangesien studente soms nie die geld betaal nie.

Dit volg nadat die studenteraad die regering en Nsfas gevra het om toelaes direk in studente se rekeninge in te betaal.