Suid-Afrika en Brittanje het hulle daartoe verbind om hul verhouding te verdiep. Die nuutverkose premier van Brittanje, Keir Starmer, het gister tydens ‘n telefoonoproep met president Cyril Ramaphosa gepraat. Starmer is verkies nadat sy Arbeidersparty verlede Donderdag die Britse verkiesing gewen het.

Hy het sy belangstelling uitgespreek om nou met Suid-Afrika saam te werk op verskeie gebiede, insluitend die regverdige energie-oorgang. President Ramaphosa sê hy voorsien groter samewerking met die Verenigde Koninkryk in politiek, handel, beleggings en klimaatsverandering.