Suid-Afrika het al byna eenhonderd opeenvolgende dae van deurlopende beurtkrag ervaar.  Die energiekrisis kos die ekonomie soveel as 899 miljoen rand per dag. Die Suid-Afrikaanse Reserwebank sê beurtkrag van sowat ses tot 12 uur per dag, of sogenaamde fase 3- en fase 6-onderbrekings, kos die ekonomie tussen 204 miljoen en 899 miljoen rand. Beurtkrag is nodig om die kragnetwerk teen ineenstorting te beskerm wanneer Eskom se verouderde en meestal steenkoolgevoede aanlegte nie in die vraag kan voorsien nie.