Die Suid-Afrikaanse Nasionale Bloeddiens, SANBD, doen ‘n beroep op die publiek om hierdie feestyd bloed te skenk. Die organisasie sê sy voorraad raak min in veral tipe B-negatief en O-positief-bloed. Die SANBD skryf die bloedtekort toe aan gereelde skenkers wat vir die feestyd met vakansie gaan. Mense wat bloed wil skenk kan die SANBD se webtuiste besoek of 0800 11 9031 skakel. Bloemfonteiners kan bloed skenk in Bloemplaza, Victoria Square in Westdene of Southern Centre in Fichardtpark.