Het jy al ‘n koppie koffie saam met Pieter geniet?

Hy is gebore in Pretoria op 24 April 1978, maar het op drie-jarige ouderdom na Bloemfontein verhuis.

Pieter is ‘n voltydse finansiële adviseur, maar geniet dit om Bloemfontein se lekker mense wakker te maak op Saterdagoggende tydens sy program OP IS JY! op Rosestad 100.6 FM.

Sy radioloopbaan het in 2012 by Rosestad 100.6 FM begin. Hy was toe reeds by buite-uitsendings saam met die radioveteraan en bekende lugskoukommentator, Brian Emmenis, betrokke.

Pieter geniet die radiowese omdat radio “onmiddellik” is.

“Radio is uniek in baie opsigte en soms is jy ‘n persoon se enigste geselskap.”