Warmer temperature het gelei tot ‘n groter vraag na water en het tekortkominge in watervoorsieningstelsels aan die lig gebring. Volgens die Sentrum vir Risiko-analise, of CRA, is daar ‘n aansienlike vraag na watervoorsiening in 18 munisipaliteite in Gauteng, die Vrystaat, Mpumalanga en Noordwes. Gautengers word voortdurend versoek om waterverbruik te verminder aangesien reservoirvlakke op hul laagste gebly het, terwyl inwoners van KwaZulu-Natal verlede week vyf dae lank sonder water was. Spits-dagvraag in die munisipaliteite oorskry meer as vyf duisend megaliter per dag, maar Rand Water kan slegs vier duisend megaliter voorsien. Die CRA se woordvoerder, Chris Hattingh, sê die aanbod kan nie in die vraag voorsien nie omdat water in groot hoeveelhede vermors word.